Umm E Kulsoom Khahar E Zainab Marsiya Writeup, Lyrics

Umm E Kulsoom Khahar E Zainab
Zindagi Bhar Sahi Tu Ranj-O Taa-Ab
Ghzrey Roney Mey Teray Roz-O Shab
Mar Gayi Gham Utthaakay Haaye Ghazab
        Ab Ali-O Batool Rotay Hai
        Peet Kar Sar Rasool Rotay Hain

Bhaai Ko Roz-O Shab Jo Roti Thi
Muh Ko Ashkou Se Apney Dhoti Thi
Gham Sey Fursath Jisey Na Hoti Thi
Jaan Ro Ro Kay Apni Khoti Thi
        Woh Jahaan Sey Guzargayi Haaye Haaye
        Umme Kulsoom Margayi Haaye Haaye

Yaad Aatey Hain Teray Gham Bibi
Woh Aseeri Woh Qaid Ki Sakhti
Tujh Pey Yun Rash Gham-O Alam Ki Thi
Uff Woh Rudaad Bey Ridaayi Ki
        Tujhko Jab Sey Gham-E Hussain Milaa
        Ek Pal Bhi Tujhey Na Chain Milaa

Qaid Sey Chutt Kay Jab Watan Aayi
Saath Bhaayi Ka Apney Gham Laayi
Zabt Karney Na Paayi Dukh Paayi
Dekha Jis Dum Madina Chillaayi
        Gham Pey Gham Hum Utthaakay Aaye Hain
        Saarey Ghar Ko Lutaakay Aaye Hain

Aye Madiney Hamey Qubool Na Kar
Katt Gaya Teigh Sey Hussain Ka Sar
Chinn Gayi Thi Saroun Sey Bhi Chaadar
Wapas Aaye Hain Phir Kay Hum Dar Dar
        Martey Dum Tak Yeh Gham Utthaana Hai
        Aisa Aana Bhi Koyi Aana Hai

Hum Museebath Utthaakay Aaye Hain
Qaid Khaaney Mey Jaakay Aaye Hain
Bhaai Betay Gunwaah Kay Aaye Hain
Qabr Sheh Ki Banaakay Aaye Hain
        Saath Betay Hain Aur Na Waali Hai
        Godiyaan Bibiyoun Ki Khaali Hai

Bain Tu Ney Kiye Jo Zaar-O Qataar
Gham Sey Dil Hogaye Sabhi Kay Figaar
Daagh Thay Terey Ek Dil Pey Hazaar
Kithni Pur Dard Thi Woh Teri Pukaar
        Khoon Rulaata Tha Marsia Tera
        Gham Sey Dil Choor Choor Tha Tera

Haaye Kaisi Ulatt Gayi Taqdeer
Gayi Darbaar Mey Tu Hokay Aseer
Aakhri Saans Takh Rahi Dilgeer
Umme Kulsoom Khwaaharey Shabbir
        Karbala Yaad Jab Bhi Aati Hai
        Yaad Teri Hamey Rulaati Hai