Wabasta lehad mein ho meri zaat Ali se,
Mumkin ho ke hojaye kabhi baat All se,
Shaukat mujhe marna hai basad shauq Gawara,
Hoti hai agar marke mulaqaat All se.

Zikr E Ali se dilon ko suroor milta hai,
Nigah-e-fikr ko taza sha’oor milta hai,
Naseeb kaisa bhi ho, ya Ali madad keh kar,
Khuda se kuch bhi mango zaroor milta hai.

Har dour har jahan ne kaha Ya Ali Madad,
Har qalb har zaban ne kaha Ya Ali Madad,
Girta hua zameen pe baccha sambhal gaya,
Be sakhta jo ma’an ne kaha Ya Ali Madad.

Badli musibaton ki jo chaai thi chhat gayi,
Mushkil meri hayat ke raston se hat gayi,
Maine Ali ka naam liya jab jalaal mein,
Ghabra ke meri maut bhi wapas palat gayi.

Ali Ke Haath Ki Choti Si ek Jumbish Mein,
Nabi Ke Deen Ki Umr-e-Daraaz Milti Hai,
Tujhe Namaz Mein Mera Ali Nahi Milta,
Mujhe Ali Mein Hi Sari Namaz Milti Hai.

Bughz ka na Kota jo keeda dimaagh mein,
Ali ja rutba bhi ata dimagh mein,
Aata samajh mein tera bhi mimbar ghadeer ka,
Hota jo agar un ke bhi bheja dimagh mein

Ali ka Naam Bhi lelun to yeh Ibadat hai,
Yehi to Khoon ki Paaki ki Bhi Alamat Hai,
Nabi se Ishq ka Daawa hai, Bughz-e Haider Bhi,
Yeh haal jis ka hai uss pe Khuda ki Lanat Hai.

Fikro Nazar Ko Koi Saleeka Nahi Mila,
Jab Tak Dare Ali Se Aqeeda Nahi Mila,
Kafir Bata Rahe Hai Woh Haider Ke Baap Ko,
Khud Jinko Apne Baap Ka Shajra Nahi Mila.

Kam zarf kaun kaun hai halali hai kaun kaun,
Munkir hai kaun kaun mowali hai kaun kaun,
Aur mola ali ke nam ka nara laga ke dekh,
Chehre bataenge ke halali hai kaun kaun.

Jo Naraye Haidari Ko Gawara Nahi Karte,
Hun Unse Taluq Ko Sanwara Nahi Karte,
Hum Dete Hai Mola Teri Azmat Ko Salami,
Murde Hai Wo Jo TujKo Pukara Nahi Karte.

Khula yeh raaz dey Asghar teri kahani se
ke kamsini bhi kam nahi kisi jawani se
Zamana aaj tak us ka jawab de na saka
Sawal tu ne kia tha jo be zubani se

“Har jung mein qanoon hai hathiyar say larhna,
Khanjar say kabhi, teer say, talwar say larhna,
Aata hi nahin logon ko ufkaar say larhna,
Samjhaaoon ga duniya ko mein kirdar say larhna;
Iss nasl say har nasl ko imdad milay gi,
Maa’on ko meray jhoolay say aulaad milay gi.”

“Suno! Furaat ki lehron say aa rahi hai sada,
Ali (a.s) kay laadlay potay ki tashnagi ko salam!
Najaf kay Shah (a.s) nay Karb-o-Bala kay Shah (a.s) say kaha
Hussain (a.s), mein bhi Ali (a.s) hoon; teray Ali (a.s) ko salam!”

“Aankh soti hai, hamaray dil kabhi sotay nahin,
Apnay mansab ki fazeelat ko kaheen khotay nahin;
Teer kha ke, muskura ke, keh gaye Asghar (A.S) humain,
Hum hain Aulad e Ali (A.S), maidan mein rotay nahin.”

Pani, pani kar gyi darya ko ek bachchay ki piyaas,
Tishnagi ko saans lenay ka qareena aa gya;
Teer kha kar hans parha Asghar (A.S) kuch iss andaaz say,
Sharm say qaatil kay maathay par paseena aa gya.”

Her payambar per jo ayee, woh musibat or hai
Karbala wallo pay jo guzri, qayamat or hai
Bab-e-khyber ka uthana, woh shujaat or thee
Teer kha kay muskurana, yeh shujaat or hai

Haan lashkar-e-yazeed ke borrhon ko dosto!
Maazi ki aik shakl dikhayi Hussain nay
Kar ke buland hath pe us doar ka Ali
Sab ko Ghadeer yad dilayi Hussain nay

Laashay kay munh ko daikh kay kehnay lagay ye Shah (A.S)
Bay-chaargi ka waqt hai, Asghar (A.S), Khuda gawaah,
Maa behnain ghar mein, baap pay yaan nargha-e-sipaah,
Ye raig-e-garm, aur ye badn-e-narm, aah,
aah; Dil saath nikla parhta hai, kyun-kar juda karoon,
Sonpoon kisay, litaaoon kahan, aah, kia karoon.”

Ek Bar Parh K Daikh Lay Tareekh e karbala
6 Mah K Sagheer Nay Kia Kaam Kar Diya
jitna Dya Hai Khoon Muhammad K Deen Ko
Asghar Nay Maa Ka Doodh Bhi Itna Nahi Piya