Shaah E Waala Ki Aan Hai Kubra Marsiya Writeup, Lyrics

Shaah-E- Waala Ki Aan Hai Kubra
Aal-E- Zehra Ki Shaan Hai Kubra
Zeenat-E- Khaandan Hai Kubra
Bano-E- Shah Ki Jaan Hai Kubra
        Par-E-Qaibe Shah-E- Deen Hai Ye
        Saniye Zainab-E- Hazeen Hai Ye

Jad Payambar Hai Ahmed-E- Muqtar
Dada Hyder Hai Mazhar-E- Ghaffar
Dadi Zehra Rasool Ki Dildaar
Baba Shabbir Quld Ke Sardaar
        Inke Ghar Me Kitaab Aai Hai
        Zulm Ummath Inhi Pa Dhaai Hai

Kya Kya Bibi Ne Dekhe Ranj-O- Gham
Tukde Qalb-O- Jigar Huwe Paiham
Bazu Abbas Ke Hai Dekhe Qalam
Baap Ka Dekhi Sar Sinaan Pa Alam
        Zaqmi Akbar Ka Hai Jigar Dekhi
        Laash-E- Asghar Ko Khoon Me Tar Dekhi

Haae Kubra Ki Kya Rachi Shaadi
Shaadi Kaisi Thi Wo Thi Bardaadi
Bahot Dulha Ki Laash Dikhladi
Peet Thi Sar Rahi Wo Shahzadi
        Ran Me Pamaal Hogaya Noushah
        Hogayi Lamhoun Ki Dulhan Bewah

Aik Din Me Hai Kya Mahen Dekhi
Luttha Zehra Ka Hai Chaman Dekhi
Dasthe Zainab Me Hai Rasan Dekhi
Baap Ki Laash Bekafan Dekhi
        Kya Kya Joro Jafaa Sahi Kubra
        Baap Ko Bhi Na Ro Saki Kubra

Zulm Sham-E- Gharibaan Aada Ke
Saamne Aankhoun Ke Hale Qaime
Sar Se Chaadar Laeen Cheen Liye
Pushte Aabid Pa Hai Lage Durre
        Maa Phupi Ko Hai Beriddaa Dekhi
        Touq Me Bhaai Ka Galaa Dekhi

Kya Kya Zulm-O- Sitam Sahi Kubra
Nange Sar Balwe Me Phiri Kubra
Bhare Darbaar Me Gayi Kubra
Qoon Ke Ashk Rothi Thi Kubra
        Gham Sahi Saath Saath Zainab Ke
        Qaid Thi Saath Saath Zainab Ke

Ghamzada Shaah-E- Deen Ki Duqtar
Zulm Ummath Ke Sahke Nouhagar
Aaj Momin Wo Bano Ki Dilbar
Kooch Dunya Se Kargayi Aaqir
        Gham Rasida Guzar Gayi Kubra
        Peeto Sar Shiyyo Margayi Kubra