Jab Uth Gaye Mehboob E Khuda Daar E Fana Se Marsiya Writeup, Lyrics

Jab Uth Gaye Mehboob E Khuda Daar E Fana Se
Matam Ki Sada Aane Lagi Arzou Sama Se
Sar Peettey The Ahmed-E Mursal Ke Nawase
Ek Tehalka Tha Fatema Zehra Ki Buka Se
        Na Raat Na Din Ko Buka Karti Thi Zehra
        Baba Ke Liye Peet Ke Sar Rothi Thi Zehra

Chillathi Thi Hai Hai Mere Baba Mere Baba
Tang Aaye Hai Is Rone Se Hamsa-E-Ye Zehra
Hyder Se Kiya Fatema Ke Rone Ka Shikwa
Neendh Udh Gayi Zehra Se Ye Kehdeejiye Aaqa
        Yaa Din Ko Buka Keejiye, Ya Ro-E-Ye Shab Ko
        Rone Se Shab-O Roz Ke Takleef Hai Sab Ko

Farzandoun Ko Phir Fatima Zehra Ne Bulaya
Chaati Se Lagaya Kabhi Seene Se Lagaya
Balaae Jabey Bose Diye Aur Ye Sunaya
Lo Pyaro Ke Hangaam Judaai Ka Ab Aaya
        Ab Tum Se Juda Hoti Batool-E Uzra Hai
        Ye Aaqri Zehra Ne Tumhe Pyar Kiya Hai

Hyder Se Kaha Inko Na Pahonche Koi Eeza
Ye Hain Mere Pyare Kabhi Inko Na Ghuraknaa
Aur Aap Se Ek Arz Yeh Ab Karti Hai Zehra
Padhiyo Mere Laashey(Murde) Pe Namaz, Ae Mere Aaqa(Moula)
        Furqat Me Na In Dono Ko Tadpaiyo Saaheb
        Bachhown Ko Meri Qabr Pey Tum Laaiyo Saaheb

Nazuk Hai Mizaaj Inka Ye Maalum Hai Moula
Har Baat Me Be Saaqta Rodeyta Hai Chota
Hai Khouf Ulatt Jaae Na Seene Me Kaleja
Tum Usko Mere Laashey(Murde) Pe Bhi Rone Na Dena
        Sab Goudh Me Ley Martaba Quraan Ka Samajh Kar
        Ghur-Ke Na Koi Ab Ise Bin Maa Ka Samajh Kar

Ye Kahke Kiya Band Dare Hujra-E Ather
Sab Khurd-O-Kalaa’n Aan Ke Rone Lage Baher
Aawaz Suni Kalmae Tayyab Ki Baraabar
Phir Kuch Na Sada Aai Kaha Sab Ne Ye Rokar
        Rahlat Huwi Bas Aaj Rasul-E Arabi Ki
        Lo Uth Gayi Dunya Se Nishani Bhi Nabi Ki

Phir Kholke Hujre Ko Basad Naalao Afghan
Matam Ka Kiya Fatima Ke Murde Pa Saaman
Farzandoun Ne Bhi Aake Kiya Chaak Garebaan
Chillate The Qurbaan Hon Ham Bolo To Amma
        Fizza Ne Kaha Fatima To Margayi Pyaro
        Amma Kahan Amma To Qazaa Kargai Pyaro

Al Qissa Wo Din Matam-E Zehra Me Jo Guzra
Shab Aayi Khule Gesuoun Se Deney Ko Pursa
Hyder Ne Kiya Ghusl Ka Samaan Mohiyya
Masooma Ke Ek Haath Me Jo Zaqm Laga Tha
        Wo Daste Batool Aah Qameeda Nazar Aaya
        Ye Dekhte Hi Muh Ko Ali Ke Jigar Aaya

Nehla Ke Jo Kafnane Lage Mayyat-E Zehra
Zainab Ne Kaha Hathown Se Sar Peet Ke Apna
Amma Ka Mere Hath Tou Seedha Karo Baba
Wo Roke Pukare Ye Qameeda Hi Rahega
        Tabooth Me Phir Mayyat-E Zehra Ko Lita Kar
        Sabse Kaha Lo Bibiyo Ruqsat Karo Aakar

Kehte They Ali Fatema Ke Laashey(Murde) Se Ye Baath
Bas Fatema Bas Ho Chuki Betou Se Mulaqaath
Farzandou Ki Gardan Se Juda Kijiye Ab Haath
Ruqsath Bhi Ho Ab Zindou’n Ka Aur Laashe Ka Kya Saath
        Chalne Mey Musafir Ke Ye Deyri Nahi Hoti
        Mayyath Se Sada Aaye Ke Seyri Nahi Hoti

Saheb Mere Bachown Ko Chudhaao Na Qudaraa
Qaatir Se Meri Deyr Karo Aur Gawaaraa
Hoega Meri Rooh Pa Ahsaan Tumhara
Bachown Se Ziyada Mujhe Koi Nahi Pyara
        Masoomoun Se Dam Bhar Me Bichad Jaaegi Zehra
        Phir Kaahe Ko Yuh Seeney Se Liptaegi Zehra