Bilqees Paasbaan Hai Ye Kiski Janaab Hai Marsiya Writeup, Lyrics

Bilqees Paasba’n Hai Ye Kiski Janaab Hai
Maryam Durood-E-Kha’n Hai Ye Kis Ki Janab Hai
Shan-E- Quda Ayaa’n Hai Ye Kiski Janaab Hai
Dahleez Aasmaa’n Hai Ye Kiski Janaab Hai
        Kursi Zami’n Se Leti Hai Goshe Panaah Kay
        Baitha Hai Arsh Saaye Me Kis Bargaah Kay

Ulfath Quda Ke Baad Habeeb-E Quda Ki Hai
Munsif Ke Paas Ye Bhi Vila Kibriya Ki Hai
Parva-Na Faaqe Ki, Na Shikayat Ghiza Ki Hai
Eiza Faqat Judaai-E- Khairul Wara Ki Hai
         Aab-O- Ghiza Ki Fikr Na Sone Ka Dhyan Hai
        Aankhoun Me Shakl Baap Ki Rone Ka Dhyan Hai

Betey Pukarte Hain Ke Lillah Bahar Aao
Amma Na Itna Rowoh Ghulamoun Pa Raham Khao
Nana Kahan Gaye Hain, Bulalayen Ham Batao
Ham Kapde Phadte Hain Nahi To Gale Lagao
        Nana Ke Baad Haae Ye Be Qadr Ham Huwe
        Sab Ek Taraf Huzoor Ke Bhi Pyaar Kam Huwe

Aaqir Wafure Girya Se Aajiz Huwe Arab
Hyder Ke Paas Rone Ki Faryaad Laaye Sab
Ki Arz Fatima Se Kaho Aye Wali-E-Rab
Ya Syyeda Tumhari Ra-E-Yath Hai Jaa’n Balab
        Khane Ka Koi Waqt, Na Sone Ka Waqt Hai
        Jo Waqt Hai Wo Aap Ke Rone Ka Waqt Hai

Bahar Se Murtaza Gaye Ghar Me Jhukaae Sar
Mu Dha-Pe Rorahi Thi Akeli Wo Qush Seer
Dene Lage Payaame Arab Shah-E- Bahrobar
Ghabra Ke Boli Haye Karoon Kya Main Be Pidar
        Khaabu Me Mout Howe To Marjaun Ya Ali
        Baba Ka Sog Leke Kidhar Jaun Ya Ali

Meri Taraf Se Ahl-E- Madina Ko Do Payaam
Logo Qafaa Na Ho Meri Ruqsath Hai Subha Shaam
Do Chaar Din Tumhare Muhalle Me Hai Muqaam
Rone Ki Dhoom Ho Chuki Ab Kaam Hai Tamaam
        Ghabrati Hoon Watan Me Safar Ke Mahine Se
        Baba Sidhare Kaam Mujhe Kya Madine Se

Ek Din Nigah Karte Hain Kya Shah-E- La Fatah
Madbaqh Hai Garm Aaride Jo Hai Gundha Huwa
Nahla Rahi Hai Bachown Ko Malmal Ke Dast-O- Pa
Phaila Diye Hain Kurte Bhi Dhokar Juda Juda
        Pucha Ke Itne Kamoun Ka Jo Shugul Aaj Hai
        Is Waqt Kuch Bahaal Tumhara Mizaaj Hai

Boli Ke Aaj Raat Ko Ho Jaungi Bahaal
Kal Mere Karobar Me Tum Honge Qud Nidhal
Qidmath Ka Mere Bachown Ki Hoga Kise Qhayaal
Nahla Dhula Diya Ke Parishan Tha Unka Haal
        Kurte Bhi Dhowe Khooth Bhi Kal Tak Ka De Chali
        Sehra Na Dekha Aik Ye Armaan Le Chali

Phir To Har Ek Muhalle Me Mahshar Bapa Huwa
Apne Paraae Dowdhe Ke Hai Hai Ye Kya Huwa
Fizza Pukari Syeda Ka Waqeya Huwa
Hujra Batool-E- Paak Ka Matam Sara Huwa
        Chaati Khalaq Se Dekhne Waloun Ki Phat Gayi
        Muh Rakh Ke Muh Pe Murde Ke Zainab Lipat Gayi

Mai Doodh Baqshwane Na Paai Ke Chal Basey
Sharbath Banake Lane Na Paai Ke Chal Basey
Kuch Haale Dil Sunane Na Paai Ke Chal Basey
Mai Be Naseeb Aane Na Paai Ke Chal Basey
        Kya Jaid Tar Zamana Huwa Inteqaal Ka
        Hai Hai Abhi To Sin Tha Kul Attharah(18) Saal Ka

Aye Meri Faaqa Kash Meri Naadar Amma Jaan
Aye Meri Be Dawa Meri Beemar Amma Jaan
Kaabe Ki Aabro Meri Sardaar Amma Jaan
Aye Meri Sabera Meri Naachar Amma Jaan
        Nana Mu-Ee To Thi Koi Taaza Qitaab Do
        Amma Jawab Do Meri Amma Jawab Do

Nanhe Se Sar Khule Hain Nahi Sar Pa Topiyan
Kahte Hain Kuch To Muh Se Nikalta Hai Haae Maa
Likha Hai Jab Janaze Pa Pahonche Wo Neem Jaan
Hasrath Se Dekha Murde Ka Muh Aur Ye Ki Fughaan
        Amma Ghulaam Aaye Hain Ruqsath Ke Waaste
        Jaati Ho Tum Nabi Ki Ziyarath Ke Waaste