Bhaiyya Mai Bin Tumhaarey Watan Ko Na Jaaoongi Marsiya Writeup, Lyrics

Bhaiyya Mai Bin Tumhaarey Watan Ko Na Jaaoongi
Bhayya Yahin My Qabr Par Aansoo Bahaaoongi
Naaloun Sey Aasmaano Zameen Ko Hilaaoongi
Nazrey Hussain Pyaasoun Ko Paani Pilaaoongi
        Jo Poochegaa Tu Roti Hai Kyon Shor-O Shain Sey
        Kehdoongi Chutt Gayi Hoon My Bhaai Hussain Sey

Sajjad Rokay Karthay They Zainab Sey Yeh Suqan
Chaliyeh Phupi Khuda Kya Liye Ab Su-Ey Watan
Ro Ro Kay Jaan Doh Na Yahaan Behray Zaulmeinan
Hona Hai Qaid Tumko Dobaara Basadh Mehaan
        Rauzey Pah Naana Jaan Kay Ab Jaakay Roye-Ye
        Durrou Kay Zaqm Pushth Pa Dikhlaakay Roye-Ye

Yeh Sunkay Utthi Qabr Sey Aakhir Woh Soghvaar
Ek Haudajeh Siyaah Mey Aakar Huvi Sawaar
Pahoonchey Watan Mey Jis Ghadi Sajjad-E Dilfigaar
Pehlay Gayi Baqiyeh Mey Zehra Ki Gul-E Zaar
        Boli Lipat Kay Qabr Sey Amma Duhaayi Hai
        Bhaai Ko Khokay Zainab-E Naashaad Aayi Hai

Amma Sunaoon Tumko Mai Joh Kuch Jafaa Huvi
Pardes Mey Hussain Sey Zainab Judaa Huvi
Chowthey Baras Mey Baap Pah Beti Fidaa Huvi
Amma Hussain Margaye My Be-Ridaa Huvi
        Dil Zindagi Sey Zainab-E Muztar Ka Hatt Gaya
        My Dekhti Rahi Sar-E Shabbir Katt Gaya

Amma Tumhaarey Laal Ko Kya Kya Na Gham Huvey
Laashey Kay Haath Angoti Ki Qaatir Qalam Huvey
Laashey Pah Merey Bhaayi Kay Taaza Sitam Huvey
Paamaal Laash Hogayi Barbaad Hum Huvey
        Gowhar Sakina Kay Bhi Uthaarey Hain Shimr Ney
        Durrey Hamaari Pushth Pa Maarey Hain Shimr Ney

Amma Teray Mareez Ko Qaidi Banaaya Tha
Touq-E Giraan Bukhaar Mey Usko Pinhaaya Tha
Kaatoun Pa Nangey Paaon Addo Ney Phiraaya Tha
Amma Sivaa-E Shukr Nahin Labb Hilaya Tha
        Bulwaaya Tha Yazeed Ney Darbaar-E Aam Mey
        Amma Sakina Margayi Zindaan-E Shaam Mey

Aye Amma Ek Rassi Mey Bandhwaaya Tha Hamey
Oontoun Ki Nangi Pushth Pa Bittlaaya Tha Hamey
Sar Tashth Mey Hussain Ka Dikhlaaya Tha Hamey
Abid Ko Durrey Maar Kay Rulwaaya Tha Hamey
        Hairath Hai Kyon Na Zainab-E Naashaad Margayi
        Amma My Sar Khuley Huve Shireen Kay Ghar Gayi

Amma Phiraakey Kufey Mey Phir Humko Ku Bakoo
Sar Nangey Suey Shaam Hamey Ley Chaley Adoo
Pahoonchey Jo Shaher-E Shaam Mey Hum Sab Kushaada Mu
Baazariyon Mey Shor Yeh Hotha Tha Chaar Su
        Beti Ali Ki Zainab-E Dilgeer Aayi Hai
        Dekho Chalo Hussain Ki Humsheer Aayi Hai