Ye Sochta Hoo Ke Abid Ka Haal Kya Hoga Salaam Writeup, Lyrics

ye sochta hoo ke abid ka haal kya hoga
aseer hoke wo jab shaam may gaya hoga  

suna hai shaam may jaate hi khoon rone laga
na jaane shimr ne us waqt kya kaha hoga
ye sochta hoo…

galay ki tauq ne abid ko kya jhukana tha  
wo apne khoye huye laal dhoondta hoga  
ye sochta hoo…

wo zulm dekhein hai sajjad ne hussain ke baad  
mujhe yaqeen hai ke ab tak bhi ro raha hoga  
ye sochta hoo…

wo yaad karta to hoga watan ki shaahi ko  
behan ko dafn jo pardes may kiya hoga  
ye sochta hoo…

jo ghaur kijey to abid bashar nahi lagta  
mere khayaal may dukh dard ka khuda hoga
ye sochta hoo…