Wo Teen Din Ki Pyaas Wo Tashnalabon Ki Shaam Salaam Writeup, Lyrics

wo teen din ki pyaas wo tashnalabon ki shaam
apne gharon se door wo un be-gharon ki shaam

bewaon ki yateemon ki aur qaidiyon ki shaam
durro ki taaziyano ki aur khanjaro ki shaam

qaimo ke ird gird wo laashe azeezo ke
sehra e be-amaan may wo khastatano ki shaam

jalte huwe qayaam sisakte huwe wujood
aahon ki bekasi ki ghuti sisikyon ki shaam

besaaya aasman wo maqtal ki garm rayth
aur karbala ke dasht may un besaro ki shaam

ab kaun hai jo aake bachaye qayaam ko
phaili hai saare dasht may ab dushmano ki shaam

wo gyarveen ke chand ki afsurda roshni
baalo se moo chupaye wo shehzadiyo ki shaam