Sajjad Jab Dobaara Aseer E Jafa Huwey Marsiya Writeup, Lyrics
Sajjad Jab Dobaara Aseer-E Jafaa Huvey
Zanjeer Aur Touq Mey Phir Mubtelaa Huvey
Roohey Rasool-E Paak Ko Sadmey Siwaa Huvey
Dard-O-Alam Batool Ko La Intehaa Huvey
Ghul Tha Kay Phir Madiney Ki Basti Ujaddti Hai
Gardan Mey Touq Paaon Mey Zanjeer Padti Hai
Likha Hai Jin Dinou Yeh Huva Zulm Aashkaar
Ghar Mey Bahut Aleel Thi Zainab Jigarfigaar
Pahunchi Khabar Jo Qaid Ki Abid Kay Ek Baar
Utthi Asaa Ko Thaam Kay Ba Chashmey Ashkbaar
Aazaa-E Jismey Paak Baham Kaampney Lagey
Aaye Jo Dar Talakh Toh Qadam Kaampney Lagey
Roye Phupi Ko Dekh Kay Abid Ba Haaley Zaar
Itney Mey Hukm Paakay Chali Fouj-E Naabakaar
Aagey Toh Qaid Jaatey They Sajjad-E Naamdaar
Thaa Unkay Peechey Naaqa-E Zainab Jigarfigaar
Utta Tha Dil Mey Dard Qadam Thar Tharaathey They
Mehmil Ko Dekh Dekh Kay Aansu Bahaatey They
Jab Sab Isi Tarhaa Sey Huveen Manzil-E Tamaam
Sehra Milaa Tab Ek Qareeb-E Dayaarey Shaam
Din Chupp Gaya Namood Huvi Shaam Teerafaam
Us Din Rayees-E Shaam Ne Sab Sey Kiye Kalaam
Uttro Yaheen Kay Raahat-E Aab-O Taam Ho
Behtar Yeh Hai Kay Shab Ko Isi Ja Muqaam Ho
Yeh Baat Sunkay Tham Gayi Sab Fouj-E Naabakaar
Kamrey Khuley Utar Padey Ghodoun Sey Sab Sawaar
Bistar Lagey Bapaa Huvey Khaimey Phir Ek Baar
Ghul Chaar Su Huva Kay Aseeron Sey Hoshiyaar
In Ki Taraf Sey Khauff Hamein Bey Sabab Nahin
Shakhjoon Girey Agar Toh Kuch Iska Ajab Nahin
Al Qissa Jis Ghadi Kay Numaayaan Huvi Saher
Lashkar Huva Yazeed Ka Aamaada-E Safar
Utthi Wazu Ko Khwaahar-E Sultan-E Behrobarr
Fizza Ney Jaanemaaz Bichaayi Bachashmey Tarr
Ekka Ek Dum Malool Siwaa Huvi Jaati Theen
Zainab Namaaz Paddti Thi Aur Roti Jaati Theen
Faariq Huveen Dua Sey Jo Zainab Ba Chashmey Tarr
Fizza Ko Tabh Bulaa Kay Yeh Boli Woh Nauhagar
Yaan Sey Bahut Qareeb Hai Sunti Hoon Woh Shajar
Khooli Ney Jis Darakht Mey Baandha Tha Sheh Ka Sar
Ley Chal Wahaan Pey Fatima Zehra Ki Jaayi Ko
Ro-Ungi Us Darakht Kay Neechey My Bhaai Ko
Uttkar Qareen-E Shajar Kay Jo Pahunchi Kushaan Kushaan
Bey Ekhtiyaar Aankhon Sey Aansoon Huvey Rawaan
Aaya Nazar Jo Khooney Sarey Shah-E Naagahaan
Liptteen Shajar Sey Khwaaharey Sultan-E Inso-Jaan
Chillati Thi Kay Jaan-E Hazeen Nikli Jaati Hai
Bhaiyya Tumhaarey Khoon Ki Booh Mujko Aati Hai
Royi Bayaan Kar Kay Jo Zainab Ba Haaley Zaar
Maabayn-E Dasht-E Haaye Hussaina Ki Thi Pukaar
Ek Baagh Tha Wahaan Kay Har Ek Gul Tha Jiska Khaar
Tha Mohtemam Wahaan Ka Tameem-E Sitam Shayaar
Zulmat Ayaan Thi Kufr Ki Us Badh Khisaal Sey
Rakhta Tha Bugz Dil Mey Mohammed Ki Aal Sey
Aayi Sadaa Jo Kaan Mey Ronay Ki Ek Baar
Teori Chaddhaaye Baagh Sey Niklaa Woh Badhshiyaar
Dekha Kay Ek Zaeefa-E Ghaamgeen-O Sogwaar
Liptee Huvi Darakht Sey Roti Hai Zaar Zaar
Raashaa Hai Tanh Mey Rang Bhi Chehray Ka Zard Hai
Dushman Bhi Ro Rahey Hai Yeh Baatou Mey Dard Hai
Poocha Yeh Isney Aakay Qareeb-E Sipaahey Shar
Aurath Yeh Kaunsi Hai Jo Rothi Hai Is Qadar
Bola Koyi Shaqi Kay Tujhey Kya Nahin Khabar
Zainab Yehi Hai Aashiq-E Sultan-E Behrobar
Muddath Sey Sogwaar Shahey Tishnakaam Hai
Yeh Khwaaharey Hussain Alaihis Salaam Hai
Sunna Tha Yeh Kay Ghaiz Mey Ayaa Woh Badh Zubaan
Pahuncha Qareeb-E Dukhtar-E Khatoon-E Insojaan
Tha Aahni Jo Haath Mey Ek Bailchaa-E Giraan
Maara Shaqi Ney Farq Pey Zainab Kay Naagahaan
Ghash Aagaya Zameen Pa Tharraakay Gir Padey
Sar Par Lagi Woh Zarb Kay Teoraakay Gir Padey
Abid Yeh Sunkay Laash Pa Pahunchey Ba Chashme Nam
Chehrey Ko Dekh Dekh Kay Roye Basad Alam
Ro Ro Kay Ghusl Deney Lagey Sarwar-E Umam
Dekhey Nashaan Rasan Kay Jo Baazu Pey Hai Sitam
Boley Nishani Sipaah-E Naabekaar Hai
Baad-E Fanaa Bhi Daagey Rasan Aashkaar Hai
Jis Waqt Ghusl Dey Chukay Sajjad-E Dilfigaar
Tayyaar Qabr Bhi Huvi Itney Mey Ek Baar
Go Kaamptey Thay Zouf Sey Woh Dast-E Raashadaar
Abid Ney Khud Lahad Mey Utaara Bahaaley Zaar
Tadpaa Jigar Yeh Shiddat-E Aaho Bukaa Huvi
Turbat Jo Bandh Ki Toh Qayamat Bapaa Huvi