Ran Se Jab Khake Sina Akbar E Zeeshan Aaye Marsiya Writeup, Lyrics

Ran Se Jab Khake Sinaa’n Akbar -E- Zeeshaan Aaye
Maa Ki Qidmath Me Koi Aan Ke Mehmaa’n Aaye
Ghar Me Laashe Ko Liye Shah -E- Shahidaa’n Aaye
Nouha Gar Qhaak Basar Chaak Garebaa’n Aaye
        Di Sada Qatl Huwe Yousuf -E- Saani Bano
        Mil Gayi Qhaak Me Akbar Jawani Bano

Dekhle Aaqri Deedar Pisar Marta Hae
Saamne Ankhoun Ke Ye Noor-E- Nazar Marta Hae
Ab Koi Dam Me Mera Rashke Qamar Marta Hae
Mu Se Baaher Hae Zabaan Tishna Jigar Marta Hae
        Dam Hae Seena Me Ruka Zakhmoun Se Khoon Jaari Hai
        Shahar Bano Tera Ghar Lutne Ki Tayyari Hai

Pahonchi Qaime Jo Hazrath Ko Ye Purdard Sadaa
Muztarib Hoga -E- Naamoose Rasoole Dosara
Kaha Chilla Ke Sakina Ne Ke Hae Hae Bhayya
Fizza Dowdi Soo-E- Dar Phaink Ke Sar Par Se Ridaa
        Peet Thi Zainab -E- Muztar Nikal Aai Baahar
        Baano Ghabra Ke Khule Sar Nikal Aai Baahar

Shah Ne Kaandhe Pa Jo Dekhe Ali Akbar Ko Nidhaal
Haath Phalla Ke Ye Chillal Ke Hae Mere Laal
Kya Ghazab Hogaya Aye Baad-E- Shah-E- Naik Qisaal
Raas Aaya Na Mere Bacche Ko Attarwaan Saal
        Tukde Teghoun Se Badan Hogaya Saara Hae Hae
        Koun Tha Jis Ne Mere Sher Ko Maara Hae Hae

Roke Bano Se Ye Farmane Lage Sarwar-E- Deen
Sar Na Peeto Abhi Zinda Hae Mera Maah-Ejabeen
Saans Aati Hae Pa Har Dam Hae Dam-E- Baad-E- Paseen
Kooch Unka Bhi Hae Aur Ham Bhi Hae Marne Ka Qareen
        Sab Chute Ab Na Raha Koi Hamara Baano
        Is Jawaan Bete Ke Gham Ne Hamen Maara Baano

Sun Ke Maadar Ki Sadaa Khol Diye Dida-E- Nam
Haath Utha Kar Kaha Rowo Na Mere Sar Ki Qasam
Paas Aakar Hamen Chaati Se Lagalo Isdam
Ran Se Aaye Hai Tumhaari Hi Mulaaqaat Ko Ham
        Phir Ye Ghar Shaah Ke Iqbaal Se Dekha Hamne
        Par Tumhen Aake Ajab Haal Se Dekha Hamne

Baal Kyun Bikhre Hain Kyun Phaink Di Sar Par Se Rida
Neel Kyun Seeene Pa Hai Kyun Hai Garebaan Phata
Qhaak Kyun Mu Pa Mali Ho Ye Pisar Tum Pa Fida
Shaah Dunya Me Salamat Rahe Ye Kya Ye Kya
        Lut Gayi Ye Na Suqan Mu Se Nikaalo Amma
        Main To Jeeta Hoon Kaleje Ko Sambhalo Amma

Zaqmi Hone Ki Mere Kis Ne Qabar Pahonchaai
Jhoot Hae Main Ne To Hargiz Nahi Barchi Khaai
Aap Tak Bete Ko Taqdeer Salamat Laai
Dekhe Hazrath Ke Qadam Tan Me Mere Jaan Aa
        Marg Se Pahle Ho Maatam Ye Zaboon Hae Amma
        Mere Kapdoun Pa To Abbas Ka Qhoon Hae Amma

Boli Bano Ke Jo Kahte Ho Quda Yun Hi Kare
Aye Mere Laai Ye Maa Teri Balaa Leke Mare
Laao Dho Daalun Main Jo Qhoon Me Kapde Hain Bhare
Chand Se Haath Hain Phir Kis Liye Chaati Pa Dhare
        Mujh Ko Maalum Huwa Qhalq Se Jaate Ho Tum
        Mere Rone Keliye Zaqm Chupatee Ho Tum

Bano Sadme Se Na Marjae Ye Dar Hae Beta
Sab Tere Dil Ki Mere Dil Ko Qabar Hae Beta
Haae Seena Ye Tera Qhoon Me Tar Hae Beta
Phir Ye Kya Hai Jo Nahi Zaqme Jigarhae Beta
        Sansanatha Hae Jigar Jaan Chali Jaati Hae
        Is Lahoo Se To Mere Doodh Ki Boo Aathi Hae

Aarzu Hae Ke Phale Phule Mera Naqle Muraad
Tum Dulhan Byaah Ke Laao Mera Ghar Ho Aabaad
Dehkh Loon Ankhoun Se Apne Main Tumhari Aulaad
Phir Main Dunya Se Jo Guzzroon To Rahe Rooh Bhi Shaad
        Daabi Kahlaaungi Rutba Mera Bartar Hoga
        Tera Farzand Bhi Hamshaki -E- Payambar Hoga

Aah Ki Sun Ke Ye Akbar Ne Basad Ranj-O- Malaai
Dard Chaathi Me Utha Ghair Huwa Aur Bhi Haai
Dil Me Ye Soch Ke Rone Laga Wo Naik Qisaal
Ham Safar Karte Hain Amma Ko Hai Shaadi Ka Qayaal
        Bar Me Hoega Kafan Qhaak Pa Chehra Hoga
        Naa Dulhan Hogi Na Aulaad Na Sehra Hoga