Pardes Me Muslim Ke Yateemon Pa Jafaa Hai

Pardes Me Muslim Ke Yateemon Pa Jafaa Hai Marsiya Writeup, Lyrics

Pardes Me Muslim Ke Yateemon Pa Jafaa Hai
Darya Pa Pa-E Khati Adu Leke Chala Hai
Chota To Bade Bhai Ka Mu Dekh Raha Hai
Roz Isko Madad Ka Nahi Mashghule Buka Hai
        Be Rahem Ke Qaabu Me Hain Do Naazoun Ke Paale
        Har Soo Nigaraan Hain Ke Koi Aake Bachaale

Chote Ko Bade Bhai Hae Badh Badh Ke Bachata
Har Baar Hae Mashaf Ki Tarha Beech Me Aata
Ro Deta Hai Kuch Kahne Ka Mouqa Nahi Paata
Be Saaqatha Ek Baat Zabaan Par Hai Ye Laata
        Sun Haai Ghariboun Ka Khuda Keliye Dam Le
        Ab Ham Tere Ghar Me Kabhi Aaen To Qasam Le

Kuch Ghar Me Tere Chain Nahi Paya Hai Aisa
Todaa Hai Faqath Pani Se Faaqa Kayi Din Ka
Khud Aae Nahi Ki Teri Zowja Ne Tamanna
Hujre Me Namazen Hain Padhe Aur Kiya Kya
        Ham Bacche Hain Too Apni Buzurgi Pa Amal Kar
        Taqseer Jo Kuch Hamse Huwi Ho Wo Bahal Kar

Ye Jurm Hae Bin Pooche Jo Aaye Hain Tere Ghar
Hujre Me Rahe Shab Ko Bhi Bedar Barabar
Kurte Phate, Gesu Chide, Seli Lagi Hampar
Takleef Bahut De Chuka Ab Chowdh Sitamgar
        Jangal Me Kahin Baith Ke Ham Roenge Zaalim
        Mu Karke Tere Ghar Ko Na Ab Soenge Zaalim

Sunta Na Tha Mazloomoun Ki Ek Baat Sitamgar
Dete The Nida Zouja-E- Haris Ko Ye Badh Kar
Ye Jaante To Ham Kabhi Aate Na Tere Ghar
Mehmanoun Ko Apne Tu Bachati Nahi Maadar
        Chudhwade Ke Pakde Huwe Zulfoun Ko Adu Hai
        Amma Nahi Baba Nahi Jo Kuch Hai So Tu Hai

Baloun Ko Bikhere Huwe Momina Thi Saath
Mazloomouon Ko Zalim Se Chudhati Thi Wo Qush Zaat
Kahti Thi Khuda Keliye Kya Karta Hai Badzath
Gah Paaun Pa Sar Rakhti Thi Gah Baandhthi Thi Haath
        Bas Bas Ke Zamin Ab To Hill Jati Hai Zalim
        Zehra Mujhe Sar Nange Nazar Aati Hai Zalim

Zalim Ne Tah-E- Tegh Kiya Zouja Ko Us Aan
Ya Fatima Kah Kar Huwi Zehra Pa Wo Qurban
Darya Pa Adu Laya Unhen Pakde Garebaan
Di Tegh Ghulame Habashi Ko Wahan Uryaan
        Ghusse Se Kaha Dono Ko Ungli Se Dikha Kar
        Haan Kathle Sar Unke Kinare Pa Tu Jaakar

Talwar Ko Chamka Ke Badha Wo Habashi Aah
Ye Tegh Tale Sar Ko Jhuka Kar Huwe Hamraah
Likha Hae Ke Tha Wo Habashi Marde Haq Aahgah
Raste Me Khitaab Use Se Kiya Dono Ne Nagaah
        Hamshakl Bilaal-E- Sha-E- Loulaak Ka Tu Hae
        Sach Kah Ke Payambar Ka Mohib Hai Ke Adu Hai

Farzand Ko Di Haaris-E- Maloon Ne Talwaar
Aur Bola Ke Sar Kaatle In Dono Ke Ekbaar
Wo Bola Ke Mujhse Ye Nahi Hoega Zinhaar
Ye Tu Hi Hae Bad Baqt Siyah Roo Wo Jafakaar
        Haaris Tu Pidar Kis Ka Shaqi-E- Azali Hae
        Maa Fatima Hae Mominoun Ke, Baap Ali Hai

To Kar Hae Zalim Nazar Aae Tujhe Kyun Kar
Le Dekh Nabi Rote Hain Darya Pa Khule Sar
Ye Sunke Utha Haaris-E- Maloon-E- Sitamgar
Zalim Ne Kaha Mujh Ko Nahi Kowf-E- Payambar
        Ek Tegh Tale Dono Baradar Ko Bitha Kar
        Sar Kaata Bade Bhai Ka Chote Ko Dikhakar

Sar Paas Rakha Lash Ko Darya Me Bahaya
Bhai Ke Gale Ka Jo Lahu Khaak Pa Paaya
Ulfath Se Baradar Ka Lahu Joush Me Aaya
Tab Joud Ke Haath Apne Ye Qatil Ko Sunaya
        Pounchun Ye Lahu Kurte Se Talwar Jhukade
        Lotoon Bade Bhai Ke Lahu Me Jo Raza De

Wo Bola Ke Wo Shouq Se Ghaltan Mujhe Kya Dar
Bhai Ke Lahu Me Wo Laga Loutne Girkar
Kahta Tha Bade Bhai Kahan Dhoonde Baradar
Tum To Abhi Baithe Huwe The Mere Baradar
        Kis Ne Hi Naseeb Aise Ulat- The Huwe Dekha
        Bhai Ne Gala Bhai Ka Kat- Te Huwe Dekha