Pahunchay Qareeb Shehr-e-Madina To Rodiye Salaam Writeup, Lyrics

pahunchay qareeb shehr-e-madina to rodiye
abid ka dil ghamo se bhar aaya to rodiye

paaon may aabilay thay, chalay aur thehr gaye
rouza rasool ka nazar aaya to rodiye
pahunchay….

baithe zameen pa sar ko, jhukaye huwe imam
saaya kiya kisi ne rida ka to rodiye
pahunchay….

abbas ki wafa ka, shuja-at ka zikr tha
bete ne aake baap ko poocha to rodiye
pahunchay….

ummul baneen ko bete ka, pursa diya magar
sughra ko de sake na dilasa to rodiye
pahunchay….

farmatay thay shaheed, huwe aqruba tamaam
baysheer ko kisi ne jo poocha to rodiye
pahunchay….

roodaad karbala ki, sunaaya kiye imaam
jab zikr shehr-e-shaam ka aaya to rodiye
pahunchay….

moula qamar nisaar, koi inteha bhi hai
raaton may roye din nikal aaya to rodiye
pahunchay….