Musafiron Ki Madine Me Jab Raseed Aayi Marsiya Writeup, Lyrics
Musafiroun Ki Madiney Mey Jab Raseed Aayi
Kay Waadagaah Mey Fouj-E Shahey Sayeed Aayi
Raseed Aathey Hi Soghra Ke Ghar Mey Eid Aayi
Taphay Gohan Gayee Aur Taaqath-E Jadeed Aayi
Malaal Door Huwa Aiysh Ke Qareenay Sey
Bukhaar Nabz Sey Gham Dil Sey Dard Seenay Sey
Gharazz Kay Hazrath-E Ummul Baneen Ko Bulwaaya
Woh Aayeen Toh Sar-E Tasleem Utt Ke Nahudaaya
Woh Hans Ke Boli Ke Kyon Yaad Mujhko Farmaaya
Kaha Mareez Ney Khush Hokay Sheh Ka Qath Aaya
Hamaarey Dil Ko Faqath Naamabarr Ney Chaen Diya
Mohammed-E Hanafi Ko Qath-E Hussain Diya
Yeh Kehkay Maadar-E Abbas Ko Liye Humraah
Mohammed-E Hanafi Kay Ghar Aayi Dukhtar-E Shah
Woh Muntazir They Liye Naama-E Shahey Zeejaah
Salaam Karthey Hi Kehnay Lagay Ba Naala-O Aah
Lo Ab Sunaao Imaam-E Ghareeb Ka Naama
Padho Mareez Kay Aagay Tabeeb Ka Naama
Mohammed-E Hanafi Ney Kiya Lifaafey Ko Waah
Nikaala Suqqahey Pur Noor Syed-Ush Shohadaa
Padhaa Jo Naamay Mey Alqaab Apna Rokay Kahaa
Hussain Teray Karam Par Hain Laakh Jaan Sey Fidaa
Kahaa My Tera Baraadar Bajaan Baraabar Hoon
Tu Jaan-E Qatm-E Rasool Hai Mai Ibne Hyder Hoon
Aqhi Ka Lafz Jo Alqaab Mey Meray Likhaa
Faqath Yeh Bandhaa Nawaazi Hai Ya Imam-E Huda
Tera Ghulaam Hai Abbas My Ghulaam Uska
Hazaar Haif Qadam Sey Huzoor Kay Hoon Judaa
Liya Jo Naam-E Judaai Toh Aansoo Behnay Lagay
Salaam Paddh Kay Alaikas-Salam Kehney Lagay
Kaha Yeh Fatima Sughra Sey Tabh Ba Deeda-E Tarr
Likha Hai Baap Ney Tumko Kay Aye Meri Dukhtar
Dua Kay Baad Ho Maaloom Meri Noor-E Nazar
Koyi Ghadi Nahin Ghaafil Teri Taraf Sey Pidar
Qalaq Hai Sadhmaa Hai Ranj-O Malaal Hai Sughra
Adoo Kay Narghey Mey Zehra Ka Laal Hai Sughra
Wofoor-E Fikr Sey Sughra Jo Saqth Ghabraayi
Chacha Ka Apney Qalamdaan Woh Utthaa Laayi
Aur Iltemaas Kiya Aye Hussain Kay Bhaai
Mujhey Toh Hai Na Tawaanaayi Aur Na Beenaayi
Meri Taraf Sey Woh Alqaab Likho Baba Ko
Kaneezein Likhthi Hain Jis Tarhaa Apney Aaqa Ko
Ghareeb Parwar-O Aalam Nawaaz Woh Khalq-E Panaah
Maalik Sipaah Falak Baargah-E Shaahinshah
Imam Beyka-O Mazloom-O Beydayaaro Tabaah
Khaleel-E Kaaba-E Deen Yousuf-E Rasoolallah
Ajal Raseedoun Key Eesa Ghareeboun Kay Waali
Hussain Ibne Ali Mad-Da-Zilla-O-Aali
Rajab Ki Teesri Ko Tumey Ghar Kiya Veeraan
Tumhaarey Baad Huveen Teen Eidein Babajaan
Shab-E Baraath Huvi Doosrey Mahiney Ayaan
Baroohey Hamza Na Thi Faateha Ki Taab-O Tawaan
Tamaam Aah Tadaptay Tadaptay Raat Huvi
Hamaarey Ghar Mey Na Eid-E Shab-E Baraat Huvi
Woh Eid Toh Gayee Din Eid-E Fitr Ka Aaya
Ghar Aankar Mujhey Humjoliyoun Ney Rulwaaya
Kisiney Gehnaa Kisiney Libaas Dikhlaaya
Koyi Yeh Beli Kay Eidee Mey Humney Yeh Paaya
Har Ek Khush Tha Magar Mere Lab Pa Naalay They
Safar Mey Sab Meri Eidee Kay Deney Waaley They
Nazar Mey Phirthaa Hai Eid-E Guzishthaa Ka Aana
Woh Eidgaah Mey Akbar Ka Dhoom Sey Jaana
Bahen Ke Waasthey Mevey Khareedkar Laana
Woh Amma Baano Ka Har Dum Galey Sey Liptaana
Ba Jabr Ab Toh Baghalgeer Jis Sey Hothi Hoon
Bahen Sakina Ko Mai Yaad Karkay Rothi Hoon