• Follow Us:
  • Shia Download
  • Shia Download
  • Shia Download
  • Shia Download

Kya Haal Ho Raza Ke Jigar Band Ka Bayaan Marsiya Writeup, Lyrics

Ibn E Raza Bhi Saalikay Raahey Raza Rahaa
Sajjadaa-E Rasool Pey Shagley Dua Rahaa
Har Ranj Mey Zabaan Pa Shukr-E Khuda Rahaa
Ginti Kay Dostdaar They Dushman Hazaarhaa
        Badh Khwaah Kitney Is Qamr-E Murtuza Kay They
        Tha Ek Chiraagh Sainkdo Jhonkay Hawa Kay They

Kya Haal Ho Raza Ke Jigar Band Ka Bayaan
Pyaara Tha Murtua Ka Wo Sultan-E Ins-O Jaan
Moujiz Numa Imaam-E Zaman Haadiye Jahaan
Aise Wali Ke Dar Pe Eizaa The Badh-Gumaan
        Souz-E Alam Se Dil Me They Chaaley Padey Huwey
        The Rashkay Gul Ko Jaan Ke Laaley Padey Huwey

Laanath Quda Ki Motesim Naabekaar Par
Bheja Payaam Chodiye Ghar Aayiye Udhar
Darpaish Aah Phir Huwa Baghdaad Ka Safar
Par Is Safar Ne Manzil-E Aaqir Ki Di Qabar
        Mazoom Ka Ye Kooch Watan Se Aqeer Tha
        Mushtaaq-E Kanj Qabr Ka Wo Goshageer Tha

Hamraah Umme Fazl Bhi Thi Mouride Azaab
Yasrab Se Jaane Ki Thi Qushi Isko Be Hisaab
Uska Chacha Tha Moutasim-E Qaanumaa’n Qaraab
Baghdaad Me Pahonch Gaye Shaah-E Falak Janaab
        Touqeer Zaaheri To Bahut Bewafaa Ney Ki
        Par Fikr-E Qatl-E Shaah Is Ahl-E Jafaa Ne Ki

Baghdaad Me Muqeem Rahe Saal Bhar Huzoor
Naari Ye Chaahtha Tha Ke Gul Ho Charaagh-E Noor
Waaqif Tha Umme Fazl Ki Haalat Se Pur Futoor
Rakhthi Thi Bughz Rahbar-E Aalam Se Be Shaoor
        Zaalim Ke Mashvarey Se Wo Khirsand Hogayi
        Kahne Pe Motasim Ke Raza Mand Hogayi

Ye Bey Murawwati Ye Sitam Ye Ghazab Ye Qahar
Wo Bekasi Imaam Ki Wo Door Apna Shaher
Dekhey Toh Ahle Dil Khalash Khaar Baagh-E Dahar
Angoor Raazaqi Mey Diya Faaqakashi Me Zehar
        Le Karwatein Ali-O Wali Ko Pukaar Ke
        Aazaa-E Paak Sooj Gaye Dil Figaar Ke

Rone Lagi Wo Dekh Ke Hazrath Ka Haal-E Zaar
Farmaaya Aap Ne Kay Abas Hai Toh Ashkbaar
Is Aarzey Sey Degaa Sazaa Tujhko Kirdagaar
Jis Ka Koi Ilaaj Nahi Aye Jafaa Shiyaar
        Deti Jawaab Kya Sar-E Maloona Jhuk Gaya
        Dam Shaahey Deen Ka Zaher Ke Sadme Se Ruk Gaya

Takleef Paai Chand Shab-O Roz Jaan Ghusul
Taasir-E Sam Se Aag Thi Seene Me Mushtiaal
Woh Karb-O Jigar Ki Haraarath Woh Dard-E Dil
Hota Gaya Rasool Ka Dildaar Muzmahil
        Haakim Ne Ki Madad Na Tawajjoh Tabeeb Ne
        Aaqir Safar Kiya Suye Jannat Ghareeb Ne

Kumla Ke Rahgaya Gule Tar Buturaab Ka
Murjhaya Nounehaal Risaalat Maab Ka
Dekha Jawaane Marg Ne Rang Inqilaab Ka
Wo Maut Bekasi Ki Woh Mausam Shabaab Ka
        Kyun Peer Charkh Jaaye Ta Saf Hai Ya Nahi
        Kamsin Imaamou Me Koi Aisa Huwa Nahi

Anjaam Is Tarha Bhi Kitaaboun Me Hai Raqam
Shiyoun Ne Aap Ke Jo Suna Ye Naya Sitam
Rothe Huwe Gaye Sar-E Tasleem Karke Kham
Mayyath Ko Baher-E Ghusl Uthaya Ba Chashma Nam
        Seenoun Ko Apne Qastha Jigar Peetney Lage
        Amaamey Phaink Phaink Ke Sar Peetney Lage

Nahlaaya Is Musaafir-E Daarus Salaam Ko
Bhar Aaye Dil Kafan Jo Pinhaaya Imaam Ko
Taaboot Me Litaake Shah-E Qaas-O Aam Ko
Pursa Diya Ali Ko Rasool-E Anaam Ko
        Naale Tawaaf Karthey They Arshe Majeed Ka
        Maatam Kiya Uthaake Janaaza Shaheed Ka

Jis Jaa Thi Qabr Moosiye Kaazim Falak Wiqaar
Pahlu Me Is Lahad Ke Khuda Doosra Mazaar
Posheeda Zair-E Khaaq Huwa Noor-E Kirdegaar
Hasrath Pukaar Ti Thi Key Is Shaan Ke Nisaar
        Taaqeer Dafn Se Bhi Sharaf Aashkaar Hai
        Ye Waaris-E Hussain Ghareeb Ud Dayaar Hai