Kis Umr Me Ali E Naqi Be Pidar Huwe Marsiya Writeup, Lyrics

Kis Umr Me Ali E Naqi Be Pidar Huwe
Bachpan Me Dil Pe Chott Lagi Nouhagar Huwe
Yasrab Me Jaanasheen-E Shahey Behrobar Huwe
Ye Waaris-E Bizaa- Atey Qairul Bashar Huwe
        Ilm-O Amal Ko Maan Liya Shaiq-O Shaab Ne
        Kya Kamsini Me Paayi Buzurgi Janaab Ne

Charqe Nehum Imaam-E Dehum Ka Maqaam Hai
Pushto Panaah Arsh-E Bareen Inka Naam Hai
Har Chaar Simt Madhdah-O Sanaa-E Imaam Hai
Tasbeeh Shash Jahath Ki Durood-O Salaam Hai
        Naari Hai Jo Kahe Ke Ye Noore Quda Nahi
        Anwaar Qamsaa-E Najbaa Se Judaa Nahi

Aye Door Charq-E Raah Ye Kaisa Hai Intezaam
Qaamosh Kyun Rahoon Ke Shikaayath Ka Hai Maqaam
Rahne Na Paaye Chain Se Istarha Se Imaam
Qayam Maqaam Iskay Huvey Dushmaney Imam
(Wo Dour Zaalimoun Ka Wo Wizaaen Subh-O Shaam
        Farzand Par Rasool Ke Ummath Jafaa Kare
        Pursaa Na Jab Koi Ho To Mazloom Kya Kare

Tayyar Qatl Par Mutawakkil Raha Madaam
Majboor Rahgaya Wo Adu-E Shah-E Anaam
Pahoncha Safar Me Chodd-Ke Ye Kaartha Tamaam
Qaayam Maqaam Uske Huwe Dushman-E Imaam
        Fursat Mili Na Dilbare Shair-E Ilaah Ko
        Tadbeer Motemadh Se Mila Zahr Shaah Ko

Wo Qalq Ka Maseeh Huwa Saahebey Firaash
Be Hiss Tha Jism Farsh Pe Goya Padi Thi Laash
Kunj-E Lahad Ko Gosha Nasheen Ko Huwi Talaash
Suraaq Dil Me Tha Toh Kaleja Tha Paash Paash
        Aatey They Haal Dekhne Baashindey Shaher Ke
        Po-Tha Raza Ka Martha Tha Sadme Se Zaher Ke

Raavi Bahut Se Haashmi Is Kay Hai La Kalaam
Jin Mey Hai Ek Ka Hasan Ibn-E Hussain Naam
Aaya Jo Roz Rehlat-E Shaahey Falak Maqaam
Sehney Makaan Mey Farsh Pey They Jalwagar Imam
        Majma Bahut Tha Syed-E Zijaah Kay Qareeb
        Mardam They Jamaa Yak Sad-O Panjaah Kay Qareeb

Nagaah Askari Nazar Aaye Hamey Udaas
Dakhil Huvey Makaan Mey Ayaan Chehrey Sey Thi Yaas
Paband Hazan Khaak Gareebaan O Beyhawaas
Dahni Taraf Khadey Huvey Aaker Pidar Kay Paas
        Kis Haal Mey Hain Koun Yeh Hain Jaantey Na They
        Huzzaar-E Anjuman Inhey Pehchaantey Na They

Noor-E Nazar Ko Dekh Ke Hazrath Ne Ye Kaha
Kar Shukr Kirdagaar Ka Aye Mere Mehlaqaa
Haadas Ek Amr Tere Liye Haq Ne Hai Kaha
Rone Laga Ye Sunte Hi Wo Raaziye Raza
        Bola Ke Shukr Marhamath-E Zuljalaal
        Hai De Apni Nematey Ye Quda Se Sawaal Hai

Poocha Kisi Ne Tab Huwa Maaloom Sab Ko Haal
Ye Hain Hassan Janaab-E Ali Un Naqi Ke Laal
Zaaher Huwa Jo Umr Ki Jaanib Kiya Qayaal
Hoga Qareeb Bees Baras Ka Ye Qush Jamaal
        Samjhe Ishaare Ham Ye Kalaam-E Imaam Ka
        Hai Jaanasheen Yahi Shah-E Aali Maqaam Ka

Rota Raha Wasi-E Shahinshaah-E Behrobar
Sa-Ath Wo Aayi Sar Se Uthaa Saaya-E Pidar
Saamere Se Jinaan Ki Taraf Hogaya Safar
Hae Hae Chuttaa Musaafir-E Yasrab Se Ye Bhi Ghar
        Ghul Padh Gaya Wafaathe Ghareebul Watan Huwi
        Saamaaney Ghusl Ka Huwa Fikr-E Kafan Huwi