• Follow Us:
  • Shia Download
  • Shia Download
  • Shia Download
  • Shia Download

Kahti Thi Roke Zainab-E-Nalaa’n Jawab Do Marsiya Writeup, Lyrics

Kahti Thi Roke Zainab-E-Nalaa’n Jawab Do
Qaamosh Kyun Ho Aye Meri Amma Jawab Do
Kya Hogaya Ye Hashr Ka Samaan Jawab Do
Hoti Hai Beti Aap Pa Qurbaan Jawab Do
        Ab To Bara-E Qaleq E Yazdaan Jawab Do
        Amma Jawab Do Meri Amma Jawab Do

Hamsaa-E-Youn Ki Thi, Thi Ye Shikayatke Ammajaa’n
Ya Din Ko Roye Ya Toh Karey Raat Ko Fugha
Rone Se Aap Ke Hai Qalal Kaam Me Yaha
Nana Ke Baad Phir Gaye Jo Jo-The Meherbaan
        Kaise The Kalma Gowo Musalmaa Jawab Do
        Amma Jawab Do Meri Amma Jawab Do

Nana Ka Saya Sar Se Utha Sabr Karliya
Pahlu Pa Dar Giraya Gaya Sabr Karliya
Ummath Ne Jojo Zulm Kiya Sabr Karliya
Is Zulm Ka Gila Na Kiya Sabr Karliya
        Kaisi Thi Saabera Meri Amma Jawab Do
        Amma Jawab Do Meri Amma Jawab Do

Bhaai Hassan Hussain Hain Giryan Utho Utho
Kunba Hai Ab Tumhara Parishan Utho Utho
Kuch Bolti Nahi Meri Amma Utho Utho
Kaisi Lagi Hai Neend Mai Qurbaa’n Utho Utho
        Zainab Kahegi Ab Kise Amma Jawab Do
        Amma Jawab Do Meri Amma Jawab Do

Bhai Ka Byaah Bhi Na Rachana Huwa Naseeb
Hai Hai Dulhan Ko Ghar Me Na Lana Huwa Naseeb
Bas Haae Tum Ko Rona Rulana Huwa Naseeb
Dil Mey Na Chain Tumko Basana Huwa Naseeb
        Kya Kya Tha Dil Me Aap Ke Armaan Jawab Do
        Amma Jawab Do Meri Amma Jawab Do

Aye Gham Naseeb Madar-E- Muztar Utho Utho
Aaega Sabr Ab Mujhe Kyunkar Utho Utho
Ab To Bara-E- Qhaleqhe Akbar Utho Utho
Sar Peet-Ti Hai Aapki Duqtar Utho Utho
        Mahboob-E Kibriya Ki Dil-O Jaa’n Jawab Do
        Amma Jawab Do Meri Amma Jawab Do

Dene Lage Jo Ghusl To Roe Bahot Ali
Thaama Jigar Ko Pahlu Pa Jisdam Nazar Padi
Faaregh Jo Ghusl Se Huwe Rokar Sada Ye Di
Zainab Ab Aao Dekhlo Deedar Aaqri
        Beti Tumhari Aati Hai Nalaa’n Jawab Do
        Amma Jawab Do Meri Amma Jawab Do

Bhai Hussain Rote Hain Uthkar Gale Lagao
Gham Mey Tumhare Peet The Hain Sar Inhe Manao
Kunbe Se Apne Aaqri Milte Huwe To Jaao
Phir Aik Baar Beti Ko Apni Sada Sunaao
        Kya So Rahe Ho Tum Pa Main Qurbaan Jawab Do
        Amma Jawab Do Meri Amma Jawab Do

Aye Meri Ghamzada-O Dilafgaar Amma Jaan
Mahboob-E- Kibriya Ki Azadaar Amma Jaan
Kya Hogayi Jahaan Se Bezaar Amma Jaan
Kuch Tou Kaho Zabaan Se Ek Baar Amma Jaan
        Beti Khadi Hai Muztar-O- Hairaan Jawab Do
        Amma Jawab Do Meri Amma Jawab Do

Baba Hai Sarfey Giriya-O Zari Utho Utho
Dekho Toh Saare Ghar Ki Tabahi Utho Utho
Tum Ko Khasam Hai Haqh Ki My Wari Utho Utho
Lo Aagayi Tumhari Sawari Utho Utho
        Aaye Hai Dar Pe Bu-Zaro Salma Jawab Do
        Amma Jawab Do Meri Amma Jawab Do

Jannat Ko Ay Nabi Ki Dilo Jaan Jaeye
Ab Ghar Hamara Hogaya Sunsaan Jaeye
Phir Ek Baar Holoo Tou Qurbaan Jaeye
Qhalekh Hai Ab Tumhara Nigehbaan Jaeye
        Kya Daagh Hum Ko Dey Gayey Amma Jawab Do
        Amma Jawab Do Meri Amma Jawab Do

Gham Me Hai Sogwaar Himayat Bhi Aap Ka
Ye Marsiya Bhi Aap Ka Purdard Hai Likha
Talib Hai Roze Hashr Sahara Ho Ba Mala
Faryaad Is Ki Aap Sune Behre Kibriya
        Baare Gunah Se Hai Wo Hiraasaa’n Jawab Do
        Amma Jawab Ddo Meri Amma Jawab Do