• Follow Us:
  • Shia Download
  • Shia Download
  • Shia Download
  • Shia Download

Jab Daaqil E Behisht Rasoole Khuda Huwe Marsiya Writeup, Lyrics

Jab Daaqil E Behisht Rasoole Khuda Huwe
Yaani Jahan Se Raahi-E- Mulke Baqaa Huwe
Mahzoo-Wo Dil Malool Shah-E- Lafatha Huwe
Sibtain Gham Me Nana Ke Sarf-E Buka Huwe
        Sadma Har Aik Ko Tha Janab-E- Rasool Ka
        Par Haal Ghair Sab Se Huwa Tha Batool Ka

Gaahey Ali Se Kahti Thi Rokar Wo Dardnaak
Waali Nabi Ko Tum Ne Sulaya Ba Zere Khaak
Kyun Kar Chupaya Qabr Me Tumne Wo Roo-E-Paak
Hai Hai Pidar Halaak Ho Beti Na Ho Halaak
        Itna To Kahte Paainti Kisko Sulaoge
        Pucha To Hota Fatima Ko Kab Bulaoge

Bhula Tha Is Qalq Me Hussain-O Hassan Ka Pyar
Aur Pyar Tha To Ye Tha Ke Kahti Thi Baar Baar
Kandhe Pa Apne Nana Ke Hote Nahi Sawar
Ab Gesu-E- Nabi Ko Banate Nahi Mehaar
        Bete To Maa Se Kahte The Nana Kidhar Gaye
        Maa Poochti Thi Betoun Se Babaa Kidhar Gaye

Bistar Se Tharthara Ke Uthey Tham Kar Asaa
Qabre Nabi Pa Fateha-E- Akhri Padha
Hamsaioun Ke Ghar Gaye Ruqsat Ko Aur Kaha
Lo Sahebo Bahel Karo Ab Kooch Hai Mera
        Eizaa Thi Tum Saboun Ko Mere Shour-O Shain Se
        Kal Fatima Na Hoyegi Tum Sona Chain Se

Ham Saaiyaah Ke Huqooq Se Aagah Hai Jahaan
Logo Mere Yatimoun Se Rehna Nigah Baan
Ab Sath Inka Aur Tumhara Hai Ham Kahan
Bin Maa Ki Hoti Hain Meri Dukhyari Betiyan
        Bachpann Pa Apne Bachchoun Ke Aansu Bahati Hoon
        Tum Par Hassan Hussain Ko Main Chodde Jaati Hoon

Rokar Kabhi Hassan Ko Gale Se Lagaa Liya
Aaghosh Me Hussain Ko Gaahe Bitha Liya
Ruqsath Kiya Kisi Ko, Kisi Ko Bulaa Liya
Padhne Ke Waaste Kabhi Quraan Utha Liya
        Kahti Thi Gaah Bachown Se Mu Apna Modd Kar
        Kal Soone Ghar Me Sona Hai Basti Ko Chodd Kar

Sunlo Waseeyatey Meri Is Waqt Ya Imam
Fizza Se Mere Baad Adalath Se Lena Kaam
Hushyar Fatima Ki Amanath Se Subh-O Shaam
Doh Betiyan, Doh Bete Hain Bas Aur Quda Ka Naam
        Main Ne Badey Dukhoun Se Ye Sab Bache Paale Hain
        Haq Ke Hawale Tum Ye Tumhare Hawale Hain

Sab Hashmi Qasam Meri Ismath Ki Khate Hain
Mujh Ko Arab Ki Rasm Se Andeshe Aate Hain
Aurath Ka Murda Taqthe Pa Rakh Kar Uthaate Hain
Aasaar Is Me Murde Ke Sab Paae Jaate Hain
        Deti Hoon Main Qasam Tumhain Rooh-E Rasool Ki
        Waali Na Yun Uttha-E-Yo Mayyath Batool Ki

Hai Aarzu Ke Qabr Me Mujh Ko Hassan Litaae
Shabbir Mere Laashey(Murde) Ka Mu Qibla Roo Phiraae
Phir Qud Kaha, Nahi Nahi Bachcha Hai Dar Na Jaaye
Nagaah Khelte Huwe Dono Yateem Aaye
        Chaati Lagaa Ke Boli Ke, Lo Ham Toh Marte Hain
        Tum Se Sulook Dekhiye Kya Log Karte Hain

Leykar Balaayen Beti Ki Zehra Ne Ye Kaha
Roti Toh Hoon Ziyadah Na Zainab Mujhe Rulaa
Kuch Bhaaeyoun Ke Sounp-Nay Ka Samjhi Mudh-Duaa
Too Unki Rone Wali Hai Zehra Tere Fidaa
        Kya Bas Mera, Jo Marzi-E- Parwardigaar Hai
        Zainab Tamaam Kunbe Ki Too Sogwaar Hai

Ye Kahti Thi Ke Ghash Ne Diya Mauth Ka Payaam
Hujre Se Nikle Rote Huwey Aqroba Tamaam
Tarteeb-E- Laash Kay Liye Bahar Gaye Imam
Zehra Ne Yaa Musalle Pa Apna Kiya Muqaam
        Likha Hai Bas Namaaz Ishaa Ki Adaa Huwi
        Aur Ghul Utha Ke Binte Nabi Ki Qazaa Huwi

Maatha Hassan Ne Laashey(Murde) Ke Maathe Pe Rakh Diya
Ro Ro Ke Amma Amma Kaha Aur Ghash Huwa
Talwoun Se Apne Maathe Ko Shabbir Ne Malaa
Paaun Me Dam Na Paya, To Ye Kaan Me Kaha
        Main Aap Ka Ghulam Hoon Aur Noor-E Ain Hoon
        Aawaz Do Hussain Hoon, Amma Hussain Hoon