Jab Baad E Dafn E Shaah Watan Ko Haram Chale Marsiya Writeup, Lyrics

Jab Baad-E- Dafn-E- Shaah Watan Ko Haram Chale
Sajjad Saath Bewoun Ke Baa Chashme Nam Chale
Hamraah Leke Qaafela-E- Ranj-O- Gham Chale
Zainab Pukaari Peet Ke Sar Bhaai Ham Chale
        Ulfath Jo Thi Kamaale Shah-E- Mashraqain Se
        Roi Lipat Lipat Ke Mazaar-E- Hussain Se

Phir Sar Ko Rakh Ke Qabr Pa Wo Gham Ki Mubtelaa
Boli Ke Assalaam Alaikaa Aye Shah-E- Hudaa
Bhayya Utho Sawaar Karo Tum Pa Amai Fidaa
Farmaaiye Watan Me Mai Jaakar Karoongi Kyaa
        Rah Rah Ke Dhyaan Aatha Hai Mujh Dil Malool Ko
        Kya Jaake Mu Dikhaaungi Qabre Rasool Ko

Bhayya Mai Bin Tumhaare Watan Ko Na Jaaungi
Bhayya Yahin Main Qabr Pa Aansu Bhahaaungi
Naaloun Se Aasmaan-O- Zameen Ko Hilaaungi
Nazr-E- Hussain Pyaasoun Ko Paani Pilaaungi
        Jo Poochega Too Roti Hai Kyun Shour-O- Shain Se
        Kahdoongi Chut Gayi Hoon Mai Bhaai Hussain Se

Sajjad Roke Karthe The Zainab Se Ye Suqan
Chaliye Phupi Qudaa Kiliye Ab Soo-E- Watan
Roro Ke Jaan Do Na Yahaan Bahr-E- Zulmenan
Hona Hai Qaid Tum Ko Dobaara Basad Mehan
        Rouze Pa Nana Jaan Ke Ab Jaake Roiye
        Durroun Ke Zaqm Pusht Ke Dikhlaake Roiye

Ye Sunke Utthi Qabr Se Aaqir Wo Sugwaar
Ek Hodije Siyaah Me Aakar Huwe Sawaar
Pahonche Watan Me Jis Ghadi Sajjad-E- Dilfigaar
Pahle Gayi Baqee Me Zehra Ki Gul-Ezaar
        Boli Lipat Ke Qabr Se Amma Duhaai Hai
        Bhaai Ko Khoke Zainab-E- Naashaad Aai Hai

Amma Sunaaun Tum Ko Mai Jo Kuch Jafaa Huwi
Pardes Me Hussain Se Zainab Juda Huwi
Chouthe Baras Me Baap Pa Beti Fidaa Huwi
Amman Hussain Margaye Mai Beridaa Huwi
        Dil Zindagi Se Zainab-E- Muztar Ka Hat Gaya
        Mai Dekhthi Rahi Sar-E- Shabbir Kat Gaya

Amma Tumhaare Laal Ko Kya Kya Na Gham Huwe
Laashe Ke Haath Angothi Ki Qaatir Qalam Huwe
Laashe Pa Mere Bhaai Ke Taaza Sitam Huwe
Paamaal Laash Hogayi Barbaad Ham Huwe
        Gouhar Sakina Ke Bhi Utaare Hai Shimr Ne
        Durre Hamaari Pusht Pa Maare Hain Shimr Ne

Amman Tere Mareez Ko Qaidi Banayaa Tha
Touq-E- Giraan Buqaar Me Usko Pinhaaya Tha
Kaantoun Pa Nange Paaun Adoo Ne Phiraaya Tha
Amma Siwaa-E- Shukr Nahi Lab Hilaaya Tha
        Bulwaaya Tha Yazeed Ne Darbaar-E- Aam Me
        Amma Sakina Margayi Zindaan-E- Shaam Me

Aye Amma Aik Rassi Me Bandhwaaya Tha Hamen
Oontoun Ki Nangi Pusht Pa Bithlaaya Tha Hamen
Sar Tasht Me Hussain Ka Dikhlaaya Tha Hamen
Aabed Ko Durre Maarke Dilwaaya Tha Hamen
        Hairath Hai Kyun Na Zainab-E- Naashaad Mar Gayi
        Amma Mai Sar Khule Huwe Sheerin Ke Ghar Gayi

Amma Phiraake Koofe Me Phir Ham Ko Kuba Ko
Sar Nange Soo-E- Shaam Hamain Le Chale Adoo
Pahonche Jo Shehr-E- Shaam Me Ham Sab Kushaada Mu
Baazaariyoun Me Shour Ye Hotaa Tha Chaar Su
        Beti Ali Ki Zainab-E- Dilgeer Aai Hai
        Dekho Chalo Hussain Ki Hamsheer Aai Hai