Is Qaum Ke Ronay Ko Ye Baat Badi Hai Salaam Writeup, Lyrics

is qaum ke ronay ko ye baat badi hai
zahra bhare darbar may haq maang rahi hai

uth uth ke khaak udaati hai jo ban may
shayad ali asghar ko behan dhoond rahi hai
is qaum ke ronay ko…

ta dayr tadapte rahe taazeem ko laashe
ye kaun zaeefa hai jo maqtal may khadi hai
is qaum ke ronay ko…

barchi ali akbar tere seene may gadi hai
par chot to zainab ke kaleje pe padi hai
is qaum ke ronay ko…

sajjad to khamosh hai bazaar may lekin
zanjeer ki ek ek kadi bol rahi hai
is qaum ke ronay ko…

tareekh zara saans ko roke huwe rakhna
imran ki ghairat suye darbar chali hai
is qaum ke ronay ko…