Baqar Bhi The Shareek E Shahinshaah E Tashna Lab Marsiya Writeup, Lyrics

Baqar Bhi The Shareek E Shahinshaah E Tashna Lab
Sahraa-E Karbala Me Uthaate Rahe Ta- Ab
Kam Umr The To Kya Huwa Majboor The Ye Kab
Zour-E Jawaan Dikhate Jo Hoti Razaa-E Rab
        Hamjoli Unke Kaise Lade Is Ladaai Me
        Bach-Choun Ki Dhaak Bandh Gayi Taigh Aazmaai Me

Manzoor Haq Ko Rukn-E Imaamath Ka Tha Qiyaam
Daftar Me Aosiya Ke Raqam Ho Chuka Tha Naam
Tha Hukm-E Zuljalaal Ye Hon Paanchwaa Imaam
Qaayam Rahe Shariyathe Paighambar-E Anaam
        Deen Imtehaane Sabr Buzurgoun Ki Shaan Se
        Hujjath Tamaam Karke Sidhaare Jahaan Se

Hamd-E Quda Me Kat-The Rahe Imtihaan Ke Din
Shaaker Huwa Qitaab-E Shahinshaah-E Ins-O Jinn
Qayam The Hilm-E Shaah Ke Sab Kork-O Main
Har Ranj Me Raha Dil-E Aagaah Mutmain
        Keen Bhara Huwa Tha Jo Qaib-E Hishaam Me
        Takleef Di Bulaa Ke Madine Se Shaam Me

Paaband Hukme Haakim-E Jaaber Tha Be Adab
Qeemath Se Koi Cheez Na Dete The Hai Ghazab
Faaqe Se Teen Rouz Raha Sarwar-E Arab
Jis Tarha Karbala Me Uthaaya Tha Ye Ta Ab
        Guzre The Waan Bhi Itne Hi Din Bhook Pyaas Me
        Dil Tha Hujoom-O Hasrath-O Andowh-O Yaas Me

Baaqer Ke Waasthe Marazul Mouth Tha Wohi
Eiza-E Saqt Kul Ke Madadgaar Ne Sahi
Taqath Na Uthne Ki Shah-E Zeejaah Me Rahi
Baqsha Pisar Ko Aap Ne Roz-E Yadul Lahi
        Sadma Ajab Tha Jaafar-E Saadiq Ki Jaan Par
        Jaari Wasiyaten Huwin Jisdam Zabaan Par

Rone Lagaa Pisar Jo Suna Ye Kalaam-E Yaas
Shah Ne Kaha Quda Ho Nigahbaan Na Ho Udaas
Rakha Huwa Hai Jo Mere Ahraam Ka Libaas
Dena Kafan Usi Se Mujhe Mera Haq Shinaas
        Nahlaana Apne Haath Se Aye Mahjabeen Hamain
        Padhkar Namaaz Qabr Me Rakhna Tumhi Hamain

Aawaaz Deraha Hai Jigar Gousha-E Hussain
Aaja Ke Aaj Quld Me Hai Mera Noor-E Ain
Ye Kahte Kahte Chup Huwe Sultaan-E Mashraqain
Laqte Jigar Ne Aah Ki Aaya Na Dil Ko Chain
        Dekha Ke Haal Ghair Hai Shaah-E Anaam Ka
        Qibla Ki Simth Kardiya Chehra Imaam Ka

Tha Jinke Saamne Ruq-E Farzand-E Mahlaqaa
Aankhen Wo Band Hogain Andhair Hogaya
Jo Dil Rubaa Se Kahrahe The Dil Ka Mudduaa
Qaamoosh Wo Zabaan Aye Waa Musibataa
        Kya Kya Tha Karb Jis Me Basar Teem Din Huwe
        Bejaan Chowthe Roz Shah-E Ins-O Jinn Huwe