Bala Utha Kay Haram Karbala Me Aatey Hai

Bala Utha Kay Haram Karbala Me Aatey Hai Marsiya Writeup, Lyrics

Bala Utha Kay Haram Karbala Me Aatey Hai
Mareez Shaam Kay Daarushafaa Mey Aathey Hain
Ajab Shikosey Dasht-E Balaa Mey Aathey Hain
Gham-E Hussain Mey Yaad-E Khuda Mey Aathey Hain
        Jigar Kay Tukdey Bharey Daamanou Mey Aaye Hain
        Yeh Qabr-E Sheh Par Chaddhaaney Ko Phool Laaye Hain

Bihaar Mey Hain Raqam Yeh Rivaayath-E Jaankar
Jab Aaye Ahley Haram Jaanib-E Shahaadath Gaah
Na Gul Na Shamma Mili Beykasoun Ki Qabr Pa Aah
Mujaaveri Ko Faqath Jabir Ibney Abdullah
        Qureshi Aaye Hain Aur Haashmi Bhi Haazir Hain
        Musaaferoun Kay Mujaaver Bhi Sab Musaafir Hain

Doh Shaamiyaaney Hain Baala-E Qabr-E Sibtey Rasool
Woh Ek Rehmath-E Haq Ek Aur Aahey Batool
Falak Sey Hoor-O Malak Ka Hai Fouj Fouj Nazool
Ziyarath-E Shahey Mazloom Kar Rahey Hain Husool
        Lahadh Sey Akbar-O Asghar Kay Daagh Roushan Hain
        Mazaar Ek Hai Par Doh Charaagh Roushan Hain

Idhar Aayaan Huvi Bas Zainab-E Khoojistha Khisaal
Udhar Lahadh Mey Tadapney Lagaa Rasool Ka Laal
Nida Mazaar Sey Jaabir Ko Di Ba Ranj-O Malaal
My Jeetha Hotha Toh Kartha Bahen Ka Isteqbaal
        Sharaf Hai Fatema Ka Fatema Ki Jaayi Ko
        Meri Tarf Sey Tu Jaa Uski Peishwaayi Ko

Chalaa Mayeh Rufaqaah Jaabir Khoojistha Nihaadh
Sar-E Hussain Liye Haathoun Par Milay Sajjad
Qadam Pa Gir Padhaa Jaabir Ba Naala-O Faryaad
Pukaari Abid-E Beykas Ko Zainab-E Naashaad
        Galeh Lagaao Muhib-E Nabi Yeh Jaabir Hai
        Yeh Turbath-E Shahey Mazloom Ka Mujaaver Hai

Galeh Lagaa Liya Jaabir Ko Shaahey Waala Ney
Galeh Pa Neel Rasan Kay Dikhaaye Aaqaa Ney
Kahaa Kay Loot Liya Bhaai Humko Aadaa Ney
Jo Hum Pah Hogaya Hum Jaaney Ya Khuda Jaaney
        Sar-E Hussain Badee Mehnathoun Sey Laaya Hoon
        Dubaarah Baap Ko My Dafn Karney Aaya Hoon

Taneh Hussain Sey Mulhaq Kiya Hussain Ka Sar
Huva Zameen Mey Goyaa Qiraan-E Shams-O Qamar
Lahadh Pa Taqtha-E Toobaah Qareenay Sey Rakh Kar
Pukaarey Abid-E Beykas Muhibboh Aao Idhar
        Suno Bagoush Kay Is Dum Rasool Rothay Hain
        Dubaarah Dafn Merey Babajaan Hothey Hain

Yeh Kehkay Roney Lagey Haaye Abid-E Beemaar
Mazaar-E Shaahey Ghareebaan Jo Ho Chukaa Taiyaar
Sarhaaney Bhait-Kay Sab Faateha Paddhey Ek Baar
Gharazz Kay Khaima-E Jaabir Mey Aaye Sab Deendaar
        Haram Ney Qabr Pa Saamaan-E Ashko Aah Kiya
        Sar-E Mazaar Bapaa Khaimaa-E Siyaah Kiya

Siyaah Khaimey Mey Uthrey Siyaah Poush Haram
Tawaaf-E Qabr Kiya Halqaa Baandh Kar Baaham
Sabhoun Ney Qabr Ko Baaloun Sey Jhaada Jab Usdam
Larazz Larazz Gayi Sadhmey Sey Qabr-E Shaahey Umam
        Lahadh Pa Shah Ki Masnadh Bichaayi Zainab Ney
        Salaam Kay Liye Gardhan Jhukaayi Zainab Ney

Lipatt Kay Qabr Sey Aawaaz Di Duhaayi Hai
Ek Arbayeen Sey Bahen Bhaai Mey Judaai Hai
Hussain Bhaai Bahen Bhooki Pyaasi Aayi Hai
Ummeedwaar-E Ziyafath Yeh Amma Jaayi Hai
        Na Farsh Hai Na Makaan Hai Na Daana Paani Hai
        Saqee Kay Laal Yehi Meri Mehmaani Hai