Azeezo Zainab E Muztar Ka Aaj Matam Hai Marsiya Writeup, Lyrics

Azeezo Zainab-E- Muztar Ka Aaj Maatam Hai
Azeezo Zainab-E- Hyder Ka Aaj Maatam Hai
Ali Ki Laadli Duqtar Ka Aaj Maatam Hai
Ghareeb Shaah Ki Qwhaaher Ka Aaj Maatam Hai
        Sukoon Qalb-E- Quda Ke Habeeb Ko Deeje
        Bahen Ka Pursa Hussain-E- Ghareeb Ko Deeje

Dobaara Qaid Huwe Jab Syed-E- Sajjad
Aseer Karthe Huwe Shaam Le Chale Jallad
Rawaana Saath Huwi Haae Zainab-E- Naashaad
Nabi Ke Rouza-E- Aqdas Pe Jaake Ki Faryaad
        Shaheed Hogaya Bhaai Hussain Aye Na Na
        Magar Nahi Hai Laeenoun Ko Chain Aye Nana

Phir Aaj Aabed-E- Bepar Ke Saath Jaathi Hoon
Yazeed-E- Nahes Ko Qouf-E- Qudaa Dilaathi Hoon
Quda Ne Chaha Tho Is Laal Ko Chudhaathi Hoon
Hayaath Baaqi Agar Hai To Waapas Aathi Hoon
        Jo Aae Raah-E- Haq Me Mout Aaiye Nana
        Hamaari Laash Pe Aansu Bahaaiye Nana

Ye Sun Ke Uth Gayi Jo Faatema Ke Rouze Par
Lipat Ke Qabr Se Kahne Lagi Ye Qastha Jigar
Utho Utho Meri Amma Ke Aal Hae Duqtar
Aseer Hogaya Phir Mera Aabed-E- Muztar
        Tamaam Ghar Ko Ujaada Magar Na Chain Aaya
        Dobaara Syed-E- Sajjad Par Sitam Dhaaya

Phiiraa Chuke The Sitamgaar Dar Badar Amma
Dikhaaya Naize Pe Bhaai Ka Mujh Ko Sar Amma
Madina Bhejaa Tha Ghar Baar Loot Kar Amma
Phir Aaj Jota Hai Veeraan Saara Ghar Amma
        Chale Hain Qaid Me Phir Zainul Aabedeen Hae Hae
        Rahegi Chain Se Kya Zainab-E- Hazeen Hae Hae

Sadaa-E- Nouha-E- Zehra Lahed Se Aane Lagi
Kisi Nabi Ne Bhi Aisi Jafaa Nahi Dekhi
Nisaar Maa Teri Maasoomiyath Pe Aye Beti
Tadap Rahi Hoon Mai Meri Dard Ki Maari
        Mai Saath Chalti Hoon Aye Jaan-E- Zainab-E- Muztar
        Ye Bilbilaana Tera Qurbaan Zainab-E- Muztar

Suna Jawaab Tera Haae Ashkbaar Huwi
Qaraar Aatha Na Tha Aur Beqaraar Huwi
Badan Laraztha Tha Naaqe Pe Jab Sawaar Huwi
Hazaar Abt Se Ruqsath Jigar Figaar Huwi
        Pukaari Jaathi Hoon Ruqsat Karo Qudaa Haafiz
        Miloongi Raaj Me Kis Jaa Kaho Qudaa Haafiz

Rawaana Hogayi Phir Sooe Shaam Waawaila
Qamoosh Rote The Chowthe Imaam Waawaila
Laeen Rawaana Huwe Taiz Gaam Waawaela
Azeez Karthe The Maatam Tamaam Waawaela
        Likha Hai Raah Me Ek Manzil-E- Qareeb Aai
        Butool Zaadi Ki Hae Hae Qazaa Qareeeb Aai

Nazar Qoozaadi Ki Naagaah Us Shajar Pe Padi
Ke Usne Dekha Tha Farq-E- Hussain Ibn-E- Ali
Tadap Ke Haae Hussaina Kaha Zamin Pe Giri
Uthi Sambhal Ke To Faryaad Us Shajar Se Ye Ki
        Kahaan Hai Bhaai Mera Aye Shajar Bataa Jaldi
        Hussain Keliye Roti Hoon Khaak Udaa Too Bhi

Kaleja Aagaya Mu Ko Tadap Raha Tha Jigar
Ziyaarathe Shah-E- Karbobala Padhi Rokar
Namaaz Padhne Lagi Phir Qareeb-E- Zair-E- Shajar
Abhi Uthaaya Na Tha Haae Haae Sajde Se Sar
        Sitam Se Balicha Ibn-E- Tameem Ne Maara
        Lahoo Musalle Pe Bekas Ka Bah Gaya Saara

Ali Ki Tarha Se Zainab Ka Sar Do Neem Huwa
Zameen Laraz Gayi Arsh-E- Azeem Kaanp Gaya
Suni Zamaane Ne Garyaad-E- Syedush Shohda
Pukaarne Lagi Aakar Mazaar See Zehra
        Ghareeb Sognasheen Beqataa Ko Qatl Kiya
        Shaqi Ne Duqtar-E- Mushkil Kusha Ko Qatl Kiya

Lahoo Se Ashk Bahaathe Hain Aabed-E- Bepar
Kafan Phupi Ko Pinhaathe Hain Aabed-E- Bepar
Qalaq Se Jaan Gawaanthe Hain Aabed-E- Bepar
Lahed Phupi Ki Banaathe Hain Aabed-E- Bepar
        Nageen Hai Arsh Pe Gham Gaatema Ki Beti Ka
        Janaaza Uth-Tha Hai Mushkilkusha Ki Beti Ka