Aye Momino Yasrab Me Ajab Nowha Gari Hai Marsiya Writeup, Lyrics

Aye Momino Yasrab Me Ajab Nauha Gari Hai
Zehra Ke Liye Daghe Ghame Be Pidari Hai
Lab Khushk Hai Muh Zard Hai Aankhon Me Tari Hai
Paighambare Konain Chiraghe Sahari Hai
        Hote Hain Juda Khaire Bashar Khairunnisa Se
        Mahboobe Khuda Choot-Tey Hain Sher-E-Khuda Se

Jiska Kalma Padhthe Hain Sab Momine Deendaar
Ab Aazime Firdous Hai Wo Qhaasaye Ghaffar
Makke Me Madine Me Tabahi Ke Hain Aasaar
Ab Hote Hain Ummat Se Juda Ahmed-E-Muqtar
        Faaqe Kiye Ghamgeen Rahe Dunya Ke Safar Me
         Aaqhar Safar-E-Marg Kiya Maah-E-Safar Me

Ek Kaafera Ne Gosht Me Tha Zaher Khilaya
Us Zaher Ne Aaqer Ye Asar Apna Dikhaya
Moula Ko Sare Bistare Aazaar Giraya
Hisse Me Hassan Ke Wahi Zaher-E Sitam Aaya
         Kamzor Kiya Taph Ne Rasoole Arabi Ko
        Taaqath Na Rahi Baithne Uthne Ki Nabi Ko

Hai Aaqri Uss Waqt Mera Waaz-O-Nasihat
Ab Mimbar-O-Mehraab Se Hota Hoon Mai Ruqsat
Aana Tha Minallah Ilallah Hai Rahlath
Ab Hogi Mulaqat Meri Roz-E-Qayamat
        Tum Gham Me Mere Nala-O-Faryaad Karoge
        In-Saal Mujhe Hajj Me Bahot Yaad Karoge

Do Cheezen Main Cho-De Huwe Jaata Hoon Magar Haan
Wo Ek To Meri Aal Hai Aur Aik Hai Quraan
Quraan Ki Hafiz Meri Itrath Hai Nigahbaan
Ye Dono Buzurgi Wo Fazilath Me Hai Yaksaan
        Quraan To Tum Sab Ki Tilawat Kay Liye Hai
        Aur Aal-Payambar Ki Hidayat Ke Liye Hai

Gar Baad Mere Pahonchega Zehra Ko Kuch Aazaar
Marqad Se Meri Pusht Nahi Lagne Ki Zinhaar
Ye Chaar Buzurg Aale Payambar Hain Qabardar
Zehra-O- Hussain-O Hassan-O Hyder-E- Karrar
        Wajib Mere As-Haab Pa Insab Ki Wila Hai
        Yaro Yahi Tableeghe Risalat Ka Sila Hai

Faaregh Jo Huwa Waaz Se Wo Aashiq-E-Daawar
Phir Ghar Me Gaye Aur Gire Farshe Ajal Par
Us Roz Se Tashreef Na Phir Le Gaye Baahar
Bas Qabr Me Jaane Ko Uthe Va Se Payambar
        Hairan-O Parishan-O Dil Afsurda Thi Zehra
        Baba Abhi Jeetha Tha Magar Murda Thi Zehra

Par Ahmed-E Muqtar The Jab Hosh Me Aate
Zehra Ko Basad Yaas Kaleje Se Lagate
Geh Pyar Se Ye Dono Nawasoun Ko Sunate
Main Accha Hoon Tum Kisliye Khana Nahi Khate
        Wo Kahte The Kya Qhaak Tamannae Ghiza Ho
        Allah Kare Jald Kaheen Tum Ko Shifa Ho

Shah Kahte The Sehat Ho Na Ho Khana To Khalo
Nana Ke Nawasou Dile Muztar Ko Sambhalo
Chillati Thi Zehra Ke Na Ye Zikr Nikalo
Baba Mere Farzandoun Ko Dulha To Banalo
        Arman Tha Tum Ko To Nawasoun Ki Dulhan Ka
        Kya Byaah Na Dekhoge Hussain Aur Hassan Ka

Ek Aah Ki, Rone Lage Aur Ghash Huwe Moula
Darwaze Se Nagaah Sada Ye Huyi Paida
Do Izn Huzoor Ay-Harame Syede Wala
Jakar Kaha Zehra Ne Key, Behosh Hai’n Baba
         Phir Aai Nida Phir Wahi Farmagayi Zehra
        Par Teesri Awaaz Me Tharragayi Zehra

Fursath Jo Huwi Ghash Se To Hazrath Ne Bhi Pucha
Zehra Ne Kaha Aik Arab Aya Hai Tanha
Wo Maangtha Hai Izn Huzoor Ae Mere Baba
Kitna Hi Kiya Uzr Nahi Usko Pazira
        Hazrat Ne Kaha Ye Malakul Mout Hai Zehra
        Hangam Meri Zeest Ka Ab Fouth Hai Zehra

Ye Izn Kisi Se Bhi Nahi Mangta Wallah
Par Haan Mere Darwaze Ke Rutbe Se Hai Aagah
Allah Re Azz-O-Sharafe Syede Zijaah
Be Hukm Na Ghar Me Malkul Mout Ko Thi Raah
        Par Karbobala Me Yahi Ghar Tha Yahi Dar Tha
         Kuffaar Ka Amboh Tha Aatish Ka Guzar Tha