Aye Hyderiyo Rahlat E Hyder Ki Ye Shab Hai Marsiya Writeup, Lyrics

Aye Hyderiyo Rahlat E Hyder Ki Ye Shab Hai
Be Warisa-E Aale Payambar Ki Ye Shab Hai
Aye Matamiyo Rowo Ke Mahshar Ki Ye Shab Hai
Lo Waqeya-E- Faatha-E- Qaibar Ki Ye Shab Hai
        Kul Mominoun Ke Sar Se Yadullah Utthega
        Taaboot-E- Janabe Asadullah Utthega

Lo Momino Tum Hogaye Be Waris-O- Waali
Lo Dostou Hai Tum Se Widaa-E- Shah-E- Aali
Kal Subha Wo Chilaenge Hyder Ke Mawali
Aaj Ahmed-E- Muqtaar Ki Masnad Huwi Qaali
        Tukde Kiye Zehra Ne Girebaan-E Kafan Ke
        Koi Na Raha Sar Pa Hussain Aur Hassan Ke

Masjid Me Sitamgaar Ne Kaabe Ko Giraya
Be Qadr Shab-E- Qadr Ka Kuch Dhyaan Na Laya
Mehraab Me Qandeel-E Imamath Ko Bujhaya
Saidaaniyoun Ko Eid Ke Nazdik Rulaya
        Darda Shahe Loulaak Ke Da-Maad Ko Maara
        Faryaad Ke Jibreel Ke Ustad Ko Maara

Ab Waaqeya-E- Shere Quda Karta Hoon Tahreer
Qaatil Ko Pakad Laye Ju-Hi Shabbar-O- Shabbir
Mashkey Thi Ba’ndhi Kanpta Tha Qouf Se Bey Peer
Laanath Ki Tarha Tegh Thi Qaatil Key Gulogeer
        Rahem Aagaya Zalim Ke Laraz N Pe Ali Ko
        Farmaya Mere Aage Se Sarkao Shaqi Ko

Jab Le Chale Qatil Ko To Bole Shah-E- Abraar
Ye Dushmani-E Shere Quda, Aye Sag-E Makkar
Is Maahe Mubarak Me Kiya Zulm Jafaakaar
Kya Teri Imamath Ka Ali Tha Na Sazawaar
        Ki Sharm Na Mahboob-E- Quda Se Na Quda Se
        Le Dekh Ye Rote Hain Payambar Ke Nawase

Tha Saath Laeen Masjide Koofa Se Sarasar
Ghar Le Chale Sibtain-E- Nabi Shah Ko Utha Kar
The Gird Tou Is Laash Ke Sab Shiyya-E Hyder
Farzand-E- Yateem Aage The Sar Nange Barabar
        Zainab Pe Yatimi Ki Musibath Jo Padi Thi
        Chillati Thi Sar Peet Ti Thi Dar Pa Khadi Thi

Abbas Se Hyder Ne Kaha Chupke Se Jaao
Haan Fatima Ki Beti Ko Dewdhi Se Hataao
Samjhao Ke Bas Arshe Quda Ko Na Hilaao
Rahgiroun Ko Awaaz Na Rone Ki Sunaao
        Ek Waqt Ye Tha Aik Wo Aafath Ki Ghadi Thi
        Ran Me Yahi Zainab Thi Ke Sar Nange Khadi Thi

Ye Kahte Hi Be-Chain Huwe Hyder-E- Karrar
Shabbir Ki Ghurbat Pa Jigar Hogaya Afkaar
Ek Simt Se Itne Me Suna Nouha Kayee Baar
Letey The Pa Utt Baitey, Ye Karte Huwe Guftaar
        Kis Dard Rasidah Ki Ye Faryaad-O- Bukaa Hai
        Ye To Mere Abbas Ke Rone Ki Sada Hai

Rokar Kaha Moula Ne Abas Isko Hai Wiswaas
Kyon Kyon Mera Abbas Nahi Aata Mere Paas
Ye Sunke Phire Sar Ko Jhukaae Huwe Abbas
Aur Baandh Ke Hathoun Ko Ye Ki Arz Basad Yaas
        Wo Dard Hai Mujhko Ke Efaqa Nahi Baba
        In Sob Ka Hai Aaqa Mera Aaqa Nahi Baba

Farmaya Ali Ne Ke Naro Aye Mere Dildaar
Kyun Rote Ho Jeetha Hai Abhi Hyder-E- Karrar
Be Waaris-O Waali Tumhe Chowdunga Na Zinhaar
Lo Doulat-E- Konain Tumhen Deta Hai Ghaffar
        Allah Salamath Rakkhe Moula Ko Tumhare
        Roothou Na Bulaata Hoon Main Aaqa Ko Tumhare

Phir Roke Kaha Raazi-E Taqdeer Ko Laao
Mazloom Ko Laao Shah-E- Dilgeer Ko Laao
Shamme Laha-De Saahibey Tatheer Ko Laao
Shabbir Ko Laao, Mere Shabbir Ko Laao
        Laao Use Aafath Ka Falak Jispey Girega
        Sar Jiska Isi Koofe Me Neze Pa Phirega

Ye Kahte Hi Shabbir Se Ghash Kargaye Hyder
Aur Jaanib-E- Allah-O Payambar Gaye Hyder
Didaar Ke Pyase Labe Kousar Gaye Hyder
Hyder Ke Pisar Rone Lage Margaye Hyder
        Ghul Padh Gaya Shaa-Hinshah-E- Zeejaah Sidhare
        Jannat Ko Jahan Se Asadullah Sidhare